Bab IX. BUKU PANDUAN PELAYANAN (BPP)

BAB IX

ATURAN PERATURAN HAK & KEWAJIBAN RUAS

I.              HAK NI RUAS

Na marhak do ganup ruas ni huria taruli di ulaon : Pandidion na Badia, Manghatindanghon Haporseaon, Ulaon na Badia, Pamasumasuon Pardongansaripeon, jala na manjalo parmahanion; Pangapulion tu na marsahit, na marsitaonon, Panogunoguon keluarga siala na hona uhum negara dohot na hona Ruhut Parmahanion Paminsangon, Tangiang pangondianon dohot ragam ni pasupasu marhitehite panghobasion di huria. Hak ni ruas, ima :

1.    Taruli di hata ni Debata asa manghirim di bagabagaNa di bagasan haporseaon, marhite parmingguon dohot na manjalo parpadanan na badia.

2.     Mangido dohot manjalo pandidion na badia tu angka dakdanak, panogunoguon di bagasan hakristenon, manghatindanghon  haporseaon, pamasumasuon parbagason dohot hangoluon sogot di ujung ni nasa parsaulian sian huria.

3.      Partohap di nasa parsaulian sian huria.

II.         KEWAJIBAN NI RUAS

Kewajiban ni ruas do manarihon nasa na ringkot di huria marhite na mamelehon diri hombar tu talenta nilehon ni Debata dohot pasahathon ragam ni pelean sian las dohot ias ni roha. Kewajiban ni ruas, ima :

1.     Gabe sitindangi ni Kristus di tongatonga ni parsaoran hatopan marhite angka silehonlehon na adong di dirina be.

2.      Mandohoti ulaon panghobasion di huria.

3.      Mamangke dohot mamelehon gogo, pikiran dohot sinadonganna tu ulaon huria sian las ni roha.

III.        MANSOHOT SIAN HARUASON

Mansohot do halak sian haruason ni huria molo:

1.      Pinda tu huria na so HKBP.

 2.     Laho tu ugamo na asing.

 3.     Naung di pabali sian huria mangihuthon Ruhut Parmahanion Paminsangon.

 4.     Monding.