Onom do tohonan di HKBP hombar tu panindangion haporseaon dohot Agenda HKBP, i ma: (1) Pandita, (2) Guru Huria, (3) Bibelvrouw, (4) Diakones, (5) Evangelis, (6) Sintua.
Sintua menurut Aturan Peraturan HKBP 2002
1.Pangantusion
Sintua i ma na manjalo tohonan Sintua sian HKBP marhite Pandita Ressort hombar tu Agenda HKBP.
2.Syarat-syarat gabe Sintua
2.1.Ruas na mamelehon dirina gabe sintua di huria.
2.2.Na ringgas marminggu dohot mandohoti parpadanan na badia.
2.3.Na so hasurahan pangalahona.
2.4.Na umotikna marumur 25 taon.
2.5.Mamolus pendidikan na umotikna sekolah lanjutan tingkat pertama.
2.6.Na pinillit ni ruas sian tongatonga nasida tinotophon ni rapot parhalado partohonan.
3.Ulaon ni Sintua
3.1.Songon na tarsurat di Agenda HKBP Manjangkon Sintua :
3.1.1.Pangula ni huria do nasida mamatamatahon dongan angka na pinasahat tu nasida dohot mangaramoti parange nasida. Molo diboto nasida, na humurang ture ni manang ise, ingkon pinsangonnasida i, manang paboaon nasida tu Guru dohot Pandita, asa dipature.
3.1.2.Mandasdasi donganta tu parmingguon dohot manangkasi alana umbahen na so ro.
3.1.3.Mandasdas anak dohot boru sikkola, asa ondop ro.
3.1.4.Maningkir angka na marsahit jala paturehon angka na ringkot tu nasida dohot nasa na tarpatupasa, alai na rumingkot, pasingothon Hata ni Debata tu nasida dohot tumangiangkonsa.
3.1.5.Mangapuli angka na marsak, paturehon angka na dangol dohot na pogos.
3.1.6.Mangapuli angka sipelebegu, angka parugamo na asing dohot angka na lilu, asa dohot marsaulihon hangoluan na pinatupa ni Tuhan Jesus.
3.1.7.Mangurupi paturehon angka guguan dohot na ringkot tu Harajaon ni Debata.
3.2.Patupahon Pandidion na hinipu.
3.3.Patupahon statistik ni ruas di lungguna be.
3.4.Mandohoti sermon dohot rapot ni sintua.
3.5.Pasahathon pasupasu so pola mangampehon tangan.
4.Pensiun
Pensiun do sahalak sintua molo dung marumur 65 taon alai hot do tohonan hasintuaonna jala pasahathon ni Pandita Ressort ma surat pensiunna.
Parhalado i ma ruas ni huria na tarjou jala tarpillit mamelehon diri laho manghobasi ulaon di tongatonga ni huria.
2.Ragamna
2.1.Parhalado partohonan i ma Pandita, Guru Huria, Bibelvrouw, Diakones, evangelis dohot Sintua.
2.2.Parhalado na so partohonan i ma angka pengurus ni badan, yayasan, dewan, seksi, guru sikkola minggu, organis, dirgent koor, panitia.
2.3.Parhalado na gok tingki i ma angka parhalado na mamelehon sude tingkina dohot gogona mangula di huria, jala na manjalo balanjo na gok sian huria i.
2.4.Parhalado na so gok tingki i ma angka parhalado na mamelehon dirina mangula di huria i marhite na pabahirhon tingkina dohot gogona, jala ndang manjalo balanjo sian huria i.
2.5.Parhalado na sukarela i ma angka na mamelehon dirina mangula di huria hombar tu tingkina dohot gogona secara sukarela, jala ndang manjalo balanjo sian huria.
3.Uluan ni Huria
3.1.Pandita Ressort do uluan ni huria sabungan, uluan ni huria do na manguluhon huria pagaran marsadasada.
3.2.Ulaon ni Uluan ni Huria
a.Manguluhon huria marsadasada, sumangkapi dohot pasauthon angka ulaon panghobasion hombar tu sitolu panjouon ni huria.
b.Manguluhon parhalado na gok tingki hombar tu parsagi ni ulaonna be.
c.Manguluhon rapot huria, rapot parhalado, rapot parhalado partohonan dohot rapot pamilliton ni angka pengurus ni dewan, seksi dohot panitia pembangunan.
e.Mangaramoti, manogunogu dohot pahinsathon mutu ni panghobasion di parartaon dohot adminstrasi ni huria i.
f.Manjalo laporan pertanggungjawaban ni ganup dewan.
g.Pasahathon laporan taringot tu pangulaon, statistik dohot keuangan ni huria tu Pandita Ressort dohot tu rapot huria.
4.Parhalado Parartaon
4.1.Pangantusion
Parhalado parartaon i ma manang na piga parhalado partohonan mangurupi uluan ni huria laho mangaradoti arta dohot adminstrasi ni huria.
4.2.Ulaonna
a.Mangurupi uluan ni huria mangarangrangi rencana kerja dohot anggaran belanja huria dohot parartaon ni huria siboanonna tu rapot parhalado partohonan.
b.Mangaradoti adminstrasi ni huria na manghamham adminstrasi umum, sarana dohot prasarana.
c.Patupahon sarana dohot prasarana hombar tu program kerja dohot anggaran huria.
d.Mangatur sude arta ni huria laho parentahon pamangkena, hapeahanna dohot pangaramotionna.
e.Manontuhon angka arta na so boi pangkeon be hombar tu hatontuan siboanonna tu rapot parhalado partohonan asa dihatai jala ditotophon.
f.Patupahon laporan parture ni arta dohot adminstrasi ni huria sipasahatonna tu uluan ni huria hombar tu tingki na ditontuhon.
4.3.Ruasna
a.Dua manang opat halak sian tongatonga ni sintua na pinillit ni rapot parhalado partohonan.
b.Bendahara Huria.
4.4.Uluanna
I ma sahalak sian ruas ni parhalado parartaon na pinillit nasida sian tongatonga nasida.
4.5.Syarat gabe Parhalado Parartaon
a.Ruas na so bendahara huria:
1.Na ringgas mangulahon hasintuaonna, so hasurahan pangalahona.
2.Naung manjalo tohonan na umotikna 3 (tolu) taon.
3.Saboiboina pendidikan sekolah lanjutan tingkat atas, mangantusi adminstrasi dohot manajemen parartaon.
Periodena opat taon, jala boi dua periode padodot.
4.7.Maradian
a.Sidung periodena.
b.Mangido maradian andorang so sidung periodena.
c.Hona Ruhut Parmahanion Paminsangon HKBP dohot na so sintong mangulahon ulaonna mangihuthon panimbangion ni rapot parhalado partohonan.
d.Pinda huria.
e.Monding.
5.Bendahara Huria
5.1.Ulaonna
a.Papunguhon, mangetong, manimpan sude hepeng ni huria na marharoroan sian ulaon na marragam i di huria.
b.Manggarar marhite hepeng huria sude nasa haporluan ni ulaon na marragam i di huria marguru tu haputusan ni rapot parhalado partohonan jala ditolopi uluan ni huria.
d.Manimpan hepeng huria di bank manang di kantor pos na jumonok,, asing ma sipangkeon ganup ari, boi ma disimpan di brankas hombar tu haputusan ni parhalado partohonan.
e.Manongos nasa hepeng na patut pasahaton tu resort, distrik, dohot hatopan HKBP, jala ditolopi uluan ni huria.
f.Mangatur nasa hepeng ni huria marhite pembukuan ni hepeng na masuk dohot na haruar. Rajuman do songon wakil bendahara huria sude bendahara ni dewan dohot seksi na maniop kas na metmet.
g.Mangalehon partanggunganjawaban tu uluan ni huria dohot tu rapot parhalado partohonan.
5.2.Syarat gabe Bendahara Huria
a.Sintua manang ruas na boi gabe juara bagas haposan na pinillit ni rapot parhalado partohonan.
b.Na ringgas mangula ulaonna, so hasurahan pangalahona.
c.Saboiboina pendidikan sekolah lanjutan tingkat atas, jala mangantusi manejemen parhepengon, lumobi akuntasi.
Dewan koinonia i ma organ na sumangkapi dohot na patupahon angka panghobasion na padasiphon parsaoran na saroha, na sapingkiran dohot sapanghilalaan di huria, na manghamham seksi sikola minggu, remaja, naposobulung, parompuan/ina dohot ama.
1.2.Seksi Sikola Minggu
a.Ruasna
Sude anakhon ni huria na marumur opat rodi 12 taon.
b.Pangurusna
Pangurus i ma: ketua, sekretaris, bendahara dohot anggota pengurus na pinillit rapot hadomuan ni dewan koinonia dohot parhalado partohonan sian tongatonga ni ruas na magodang dohot sian guru sikola minggu.
c.Ulaonna
(1)Manogunogu dakdanak sikola minggu laho mangguruhon hata ni Debata.
(2)Manogunogu dakdanak sikola minggu di perkembangan pangantusion parugamoon dohot parhuriaon.
(3)Manogunogu dakdanak sikola minggu hombar tu pola pendidikan sikola minggu naung tinotophon ni HKBP.
(4)Patupa evaluasi dohot laporan taringot tu pangulaonna sipasahatonna tu ketua dewan koinonia dohot tu uluan ni huria hombar tu tingki naung ditontuhon.
d.Periodena
Dua taon do leleng ni periode kepengurusan ni seksi sikola minggu, jala Pandita Ressort do na melantik pengurus i di jolo ni ruas di parmingguan.
1.3.Seksi Remaja
a.Pangantusion
Seksi remaja, i ma hadomuan ni angka naposo na so ampit masuk tu sikola minggu dohot tu naposobulung ala ni bangko na mardomu tu umurna.
b.Ruasna
Sude anakhon ni ruas ni huria namarumur 12 taon sahat tu 18 taon.
c.Pangurusna
Pangurus i ma: ketua, sekretaris, bendahara dohot anggota pangurus marguru tu haporluanna na pinillit ni rapot remaja huria niuluhon ni ketua dewan koinonia, jala silaporhononna tu uluan ni huria.
d.Ulaonna
(1)Manogunogu remaja laho mangguruhon hata ni Debata.
(2)Manogunogu remaja di perkembangan pangantusion parugamoon manang parhuriaon.
(3)Manogunogu remaja na hombar tu pola pelaksanaan seksi remaja naung tinotophon ni HKBP.
(4)Patupa evaluasi dohot laporan taringot tu panghobasion tu remaja jala pasahatonsa tu ketua dewan koinonia dohot tu uluan ni huria hombar tu tingki naung ditontuhon.
e.Periodena
Dua taon do leleng ni periode kepengurusan ni seksi remaja, jala Pandita Ressort do na melantik pangurus i di jolo ni ruas di parmingguan.
1.4.Seksi Naposobulung
a.Pangantusion
Seksi naposobulung, i ma hadomuan ni sude nasposobulung ni huria, baoa dohot parompuan na marumur di ginjang ni umur remaja jala ndang marhasohotan dope, jala tarsurat goarna songon ruas ni huria.
b.Ruasna
Sude naposobulung ruas ni huria.
c.Pangurusna
Pangurus i ma: ketua, sekretaris, bendahara dohot anggota pangurus marguru tu haporluanna na pinillit ni rapot naposobulung huria niuluhon ni ketua dewan koinonia jala silaporhononna tu uluan ni huria.
d.Ulaonna
(1)Sumangkapi dohot patupahon ulaon panghobasion tu naposobulung huria di panghangoluhonon di hata ni Debata asa lam magodang manuju hatangon ni haporseaon.
(2)Manogunogu naposobulung asa lam tang di pangantusion parugamoon manang parhuriaon, lumobi ringkot tu hajongjongan dohot parngoluon ni naposobulung, asa lam magodang di haporseaon.
(3)Manogunogu naposobulung na hombar tu pola pelaksanaan seksi naposobulung naung tinotophon ni HKBP.
(4)Patupa evaluasi dohot laporan taringot tu panghobasion ni naposobulung sipasahatonna tu ketua dewan koinonia dohot tu uluan ni huria hombar tu tingki naung ditontuhon.
e.Periodena
Dua taon do leleng ni periode kepengurusan ni seksi naposobulung, jala Pandita Ressort do na melantik pengurus i di jolo ni ruas di parmigguan.
1.5.Seksi Parompuan
a.Panghobasion
Seksi parompuan, i ma hadomuan ni sandok parompuan naung matobang ruas ni huria i, na marhasohotan manang na so marhasohotan, na so ampit be gabe ruas ni seksi naposobulung.
b.Ruasna
Sude ruas ni huria parompuan naung matobang hombar tu pangantusion 1.5.a. na di ginjang i.
c.Pangurusna
Pangurus i ma: ketua, sekretaris, bendahara dohot anggota pangurus marguru tu haporluanna na pinillit ni ruasna na pinillit ni rapot parompuan huria niuluhon ni ketua dewan koinonia silaporhononna tu uluan ni huria.
d.Ulaonna
(1)Sumangkapi dohot patupahon ulaon panghobasion tu parompuan huria di panghangoluhonon di hata ni Debata asa lam magodang manuju hatangon ni haporseaon.
(2)Manogunogu parompuan asa lam tang di pangantusion parugamoon manang parhuriaon, lumobi taringot tu hajongjongan dohot parngoluon ni parompuan, asa lam magodang di haporseaon.
(3)Manogunogu parompuan na mardomu tu pola pelaksanaan seksi parompuan naung tinotophon ni HKBP.
(4) Patupa evaluasi dohot laporan taringot tu panghobasion ni parompuan sipasahatonna tu ketua dewan koinonia dohot tu uluan ni huria hombar tu tingki naung ditontuhon.
e.Periodena
Dua taon do leleng ni periode kepengurusan ni seksi parompuan jala Pandita Ressort do na melantik pangurus i di jolo ni ruas di parmingguan.
1.6.Seksi Ama
a.Pangantusion
Seksi ama, i ma hadomuan ni sandok baoa ruas ni huria, na marhasohotan manang na so marhasohotan na so ampit be gabe ruas naposobulung, jala tarsurat goarna songon ruas ni HKBP.
b.Ruasna
Sude ama ruas ni huria.
c.Pangurusna
Pangurusna i ma: ketua, sekretaris, bendahara dohot anggota pangurus marguru tu haporluanna na pinillit ni rapot ama huria niuluhon ni ketua dewan koinonia jala silaporhononna tu uluan ni huria.
d.Ulaonna
(1)Sumangkapi dohot patupahon ulaon panghobasion tu ama huria di panghangoluhonon di hata ni Debata asa lam magodang manuju hatangon ni haporseaon.
(2)Manogunogu ama asa lam tang di pangantusion parugamoon manang parhuriaon, lumobi taringot tu hajongjongan dohot parngoluon ni ama, asa lam magodang di haporseaon.
(3)Manogunogu ama na mardomu tu pola pelaksanaan seksi ama naung tinotophon ni HKBP.
(4)Patupa evaluasi dohot laporan taringot tu panghobasion ama sipasahatononna tu ketua dewan koinonia dohot tu uluan ni huria hombar tu tingki naung ditontuhon.
e.Periodena
Dua taon do leleng ni periode kepengurusan ni seksi ama, jala Pandita Ressort do na melantik pangurus i di jolo ni ruas di parmingguan.
2.Dewan Marturia
2.1.Pangantusion
Dewan marturia i ma organ na mamingkiri dohot patupahon ulaon marbarita nauli di tongatonga ni huria dohot masyarakat na manghamham seksi sending dohot seksi musik.
2.2.Seksi Sending
a.Pangantusion
Seksi sending i ma unit panghobasi na pinatupa ni huria laho mamaritahon barita nauli tu na humaliangna.
b.Ulaonna
(1)Mangulahon sending HKBP di bagasan huria i sandiri.
(2)Mangulahon sending HKBP tu luar ni huria i.
(3)Papungu tumpak, dana marhite donateur dohot ulaon na asing laho manumpahi ulaon sending na umbidang.
(4)Padalanhon program sending HKBP.
(5)Patupa evaluasi dohot laporan taringot tu pangulaonna sipasahatonna tu ketua dewan marturia dohot tu uluan ni huria hombar tu tingki naung ditontuhon.
c.Pangurus dohot Ruasna
(1)Rapot parhalado partohonan do na mamillit ruas ni seksi i, tolu ro di lima halak sian parhalado partohonan dohot lima ro di pitu halak sian ruas ni huria.
(2)Rapot seksi do na mamillit ketua dohot sekretaris sian tongatonga nasida, na tinolopan ni rapot parhalado partohonan.
(3)Seksi i do na pabangkithon angka kepanitiaan hombar tu ringkotna tinolopan ni parhalado partohonan. Panitia marhite ketua panitia bertanggungjawab tu rapot seksi.
(4)Na marrapot do seksi on hombar tu ringkotna, na umotikna sahali onom bulan.
d.Periodena
Periodena dua taon.
2.3.Seksi Musik
a.Pangantusion
Seksi musik i ma unit panghobasi na pinatupa ni huria laho manghobasi ulaon parendeon dohot uninguningan di huria.
b.Ulaonna
(1)Mangalehon panogunoguon tu parendeon dohot uninguningan di huria, laho mamaritahon hata ni Debata.
(2)Paradehon haporluan na mardomu tu ulaon parendeon dohot uninguningan.
(4)Patupa evaluasi dohot laporan taringot tu pangulaonna sipasahatonna tu ketua dewan marturia dohot tu uluan ni huria hombar tu tingki naung ditontuhon.
c.Pangurus dohot Ruasna
(1)Rapot parhalado partohonan do na mamillit ruas ni seksi i, tolu ro di lima halak sian parhalado partohonan dohot lima ro di pitu halak sian ruas ni huria.
(2)Rapot seksi do na mamillit ketua dohot sekretaris sian tongatonga nasida na tinolopan ni rapot parhalado partohonan.
(3)Seksi i do napabangkithon angka kepanitian hombar tu ringkotna tinolopan ni parhalado partohonan. Panitia marhite ketua panitia bertanggungjawab tu rapot seksi.
(4)Na marrapot do seksi on hombar tu ringkotna, na umotikna sahali onom bulan.
d.Periodena
Periodena dua taon.
3.Dewan Diakonia
3.1.Pangantusion
Dewan diakonia i ma organ na mamingkiri dohot patupahon ulaon asi ni roha; pahinsathon parbinotoan dohot hahipason, songon i nang patupahon panghataion dohot parsaoran tu masyarakat na humaliang dohot tu pamarenta, na manghamham seksi diakoni sosial, seksi pendidikan, seksi kesehatan, dohot seksi kemasyarakatan.
3.2.Seksi Diakoni Sosial
a.Pangantusion
Seksi diakoni sosial i ma unit panghobasi na pinatupa ni huria laho pasauthon ulaon asi ni roha tu angka na patut urupan.
b.Ulaonna
(1)Manghobasi ulaon asi ni roha di bagasan huria i sandiri na manghaporluan pangurupuion sian huria.
(2)Mangulahon ulaon diakoni sosial tu angka na tarhurung, panti asuhan, dohot na asing di luar ni huria i sandiri.
(3)Papungu tumpak, dana sian donateur dohot sumber na asing laho pasauthon ulaon diakoni na umbidang.
(4)Padalanhon program diakoni sosial HKBP.
(5)Patupa evaluasi dohot laporan taringot tu pangulaonna sipasahatonna tu ketua dewan diakoni dohot tu uluan ni huria hombar tu tingki naung ditontuhon.
c.Pangurus dohot Ruasna
(1)Rapot parhalado partohonan do na mamillit ruas ni seksi i, tolu ro di lima halak sian parhalado partohonan dohot lima ro di pitu halak sian ruas ni huria.
(2)Rapot seksi do na mamillit ketua dohot sekretaris sian tongatonga nasida tinolopan ni rapot parhalado partohonan.
(3)Seksi i do na pabangkithon angka kepanitiaan hombar tu ringkotna tinolopan ni rapot parhalado partohonan. Panitia marhite ketua panitia bertanggungjawab tu rapot seksi.
(4)Na marrapot do seksi on hombar tu ringkotna, na umotikna sahali onom bulan.
d.Periodena
Periodena dua taon.
3.3.Seksi Pendidikan
a.Pangantusion
Seksi pendidikan i ma unit panghobasi na pinatupa ni huria laho manghobasi ulaon pendidikan manang pangajarion dohot latihan tu ruas ni huria songon i nang tu na humaliangna, marguru tu haporluanna.
b.Ulaonna
(1)Manghobasi ulaon pendidikan manang pangajarion dohot latihan di tongatonga ni ruas ni huria dohot na humaliangna marguru tu haporluan ni masyarakat nang bangso.
(2)Mangalului dalan patupahon kerjasama pendidikan manang latihan dohot lapangan kerja na ampit.
(3)Papunguhon tumpak, dana sian manang piga sumber laho manghobasi beasiswa tu ianakhon ni huria na manghaporluhon.
(4)Patupa evaluasi dohot laporan taringot tu pangulaonna sipasahatonna tu ketua dewan diakonia dohot tu uluan ni huria hombar tu tingki naung ditontuhon.
c.Pangurus dohot Ruasna
(1)Rapot hadomuan dewan diakonia dohot parhalado partohonan do mamillit ruas ni seksi hombar tu haporluanna.
(2)Rapot ni seksi do mamillit ketua dohot sekretaris sian tongatonga ni ruasna naung tarpillit i, silaporhononna tu ketua dewan diakonia dohot uluan ni huria mangido persetujuan asa ditotophon.
(3)Hombar tu ringkotna, rapot seksi pendidikan ma padiri panitia, silaporhononna tu ketua dewan diakonia dohot uluan ni huria, mangido persetujuan asa ditotophon. Panitia marhite ketua panitia martanggungjawab tu rapot seksi.
(4)Na marrapot do seksi hombar tu ringkotna na umotikna sahali onom bulan.
d.Periodena
Periodena dua taon.
3.4.Yayasan Pendidikan
Na boi do rapot hadomuan dewan diakonia dohot parhalado partohonan pajongjonghon yayasan pendidikan laho mandalanhon pendidikan dan pelatihan hombar tu hatontuan ni pamarenta dohot Kebijakan Dasar Pendidikan HKBP. Molo dung jongjong yayasan i, ndang pola be adong seksi pendidikan.
3.5.Seksi Kesehatan
a.Pangantusion
Seksi kesehatan i ma unit panghobasi na pinatupa ni huria laho manghobasi pelayanan kesehatan tu ruas ni huria dohot na humaliangna na manghaporluhonsa.
b.Ulaonna
(1)Manghobasi pelayanan kesehatan tu ruas ni huria dohot na humaliangna na manghaporluhonsa.
(2)Mangalehon panorangion tu ruas ni huria dohot na humaliangna taringot tu kesehatan.
(3)Manghobasi ulaon papungu tumpak manang dana laho mangurupi pembangunan kesehatan masyarakat.
(4)Patupa evaluasi dohot laporan taringot tu pangulaonna sipasahatonna tu ketua dewan diakonia dohot tu uluan ni huria hombar tu tingki naung ditontuhon.
c.Pangurus dohot Ruasna
(1)Rapot parhalado partohonan do na mamillit ruas ni seksi i, tolu ro di lima halak sian parhalado partohonan dohot lima ro di pitu halak sian ruas ni huria.
(2)Rapot seksi do na mamillit ketua dohot sekretaris sian tongatonga nasida tinolopan ni rapot parhalado partohonan.
(3)Seksi do na pabangkithon angka kepanitian hombar tu ringkotna tinolopan ni rapot parhalado partohonan. Panitia marhite ketua panitia bertanggungjawab tu rapot seksi.
(4)Na marrapot do seksi hombar tu ringkotna, na umotikna sahali onom bulan.
d.Periodena
Periodena onom bulan.
3.6.Seksi Kemasyarakatan
a.Pangantusion
Seksi kemasyarakatan i ma unit panghobasi na pinatupa ni huria padimundimun, mamingkiri dohot patureturehon parsaoran tu masyarakat na humaliang dohot pamarenta.
b.Ulaonna
(1)Sumangkapi dohot patupa panogunoguon laho pahembanghon parsaoran na konstruktif dohot pamarenta songon i nang angka horong masyarakat songon hasasaut ni HKBP na inklusif jala dialogis.
(2)Mamarrohahon angka na masa di tongatonga ni masyarakat dohot di ragam ni parngoluon huhut sumangkapi dohot manontuhon sikap ni HKBP marpardomuan tu angka na masa i
(3)Sumangkapi dohot patupa angka usaha pahinsathon parngoluan ni masyarakat dohot pangaramotion di lingkungan hidup.
(4)Sumangkapi dohot mangusahaon angka dana na porlu tu panghobasion i.
(5)Patupa evaluasi dohot laporan taringot tu pangulaonna sipasahatonna tu ketua dewan diakonia dohot tu uluan ni huria hombar tu tingki naung ditontuhon.
c.Pangurus dohot Ruasna
(1)Rapot parhalado partohonan do na mamillit ruas ni seksi i, tolu ro di lima halak sian parhalado partohonan dohot lima ro di pitu halak sian ruas ni huria.
(2)Rapot seksi do na mamillit ketua dohot sekretaris sian tongatonga nasida tinolopan ni rapot parhalado partohonan.
(3)Seksi do pabangkithon angka kepanitiaan hombar tu ringkotna tinolopan ni rapot parhalado partohonan. Panitia marhite ketua panitia bertanggungjawab tu rapot seksi.
(4)Na marrapot do seksi hombar tu ringkotna na umotikna sahali onom bulan.
